пушкыдо

пушкыдо

Г.: пышкыды

1. прил. мягкий, не жёсткий

Пушкыдо кем мягкие сапоги;

пушкыдо диван мягкий диван;

пушкыдо кӱпчык мягкая подушка;

пушкыдо пун мягкий пух;

пушкыдо шудо мягкая трава.

Уло пӱртӱс пушкыдо мамык леведыш йымалне келгын-келгын малышыла коеш. [/i]Ю. Чавайн.[/i] Кажется, что вся природа крепко уснула под мягким пуховым одеялом.

Григорий Петровичым аваже пушкыдо тӧшакеш малаш пыштыш. [/i]С. Чавайн.[/i] Мать уложила Григория Петровича спать на мягкой перине.

2. прил. мягкий, нежный, пухлый, не грубый

Пушкыдо копа нежная ладонь;

пушкыдо тӱрвӧ пухлые губы;

пушкыдо шӱргӧ мягкое лицо.

Шоҥго ӱдырамаш куптыргылшо кидше дене ӱдыржын чурийжым, кидшым, пушкыдо капшым ниялткала, шокшын ӧндалеш. [/i]Ю. Артамонов.[/i] Старая женщина своими морщинистыми руками гладит лицо, руки, нежный стан своей дочери.

Овдачий – лачак Начийын шокшо, пушкыдо кидшым чот кормыжтыш. [/i]В. Иванов.[/i] Овдачий только крепко пожала тёплую мягкую руку Начий.

3. прил. мягкий, пушистый, тонкий, гладкий, шелковистый

Пушкыдо кӱляш мягкая кудель.

Альберт ӱдырын пушкыдо ӱпшым шыман ниялтыш. [/i]В. Иванов.[/i] Альберт нежно погладил шелковистые волосы девушки.

(Эрвика) пушкыдо лышташым налын, лӱҥгалтенат ончыш. [/i]Д. Орай.[/i] Взяв тонкий лист, Эрвика попробовала посвистеть.

Сравни с:

шыма

4. прил. мягкий, рыхлый, неплотный

Пушкыдо пакча мягкий огород;

пушкыдо рок рыхлая почва.

Кушко ом тошкал, йол йымалне келге пушкыдо лум веле. [/i]О. Тыныш.[/i] Куда ни наступаю, под ногами только глубокий рыхлый снег.

Тыге шошым кечын пушкыдо ӱян мландышке кудалтыме шурно пырче арам ок йом. [/i]О. Шабдар.[/i] Брошенное весенним днём в мягкую удобренную землю зёрнышко не пропадёт.

Сравни с:

пурка, пуштырго

5. прил. мягкий, свежий, нечёрствый (о хлебных изделиях)

Пушкыдо булко свежая булка;

пушкыдо когыльо мягкий пирог.

(Катя) ӱстембак пушкыдо, шокшо уржа киндым пыштыш. [/i]А. Ягельдин.[/i] Катя положила на стол мягкий, тёплый ржаной хлеб.

Тыгай годым шарнем мый ӱстелтӧрым – чевергалын кӱшӧ пушкыдо мелнам. [/i]Й. Осмин.[/i] В такое время вспоминаю застолье, мягкие румяные блины.

6. прил. перен. мягкий, приятный, бархатистый (о голосе)

Пушкыдо йӱк приятный голос;

пушкыдо сем приятная мелодия.

– Тыйже код, – шыде ончалтышыжым вашталтыде, пушкыдо йӱк дене мане тудо. [/i]А. Юзыкайн.[/i] – А ты останься, – не меняя своего сурового взгляда, сказал он мягким голосом.

Матвей Николаевич пушкыдо бас дене муралтен колтыш. [/i]С. Чавайн.[/i] Матвей Николаевич запел приятным басом.

7. прил. перен. мягкий, тёплый, приятный, ласковый

Пушкыдо игече тёплая погода;

пушкыдо теле мягкая зима.

Толын шошо адак мемнан деке, могай пушкыдо леве мардеж! [/i]В. Чалай.[/i] Опять пришла к нам весна, какой ласковый и тёплый ветер!

(Смородинов) яндар, пушкыдо южым пачаш-пачаш пож да пож неле. [/i]В. Юксерн.[/i] Смородинов вновь и вновь шумно вдыхал чистый тёплый воздух.

8. прил. перен. тонкий, слабый, не сильный, не крепкий

Пушкыдо тамак слабый табак.

Пушкыдо виноград аракам подыльыч. [/i]«Ончыко»[/i] Они выпили слабое виноградное вино.

(Чавайнын почеламутшо-влакым) кажне гана лудмо годым ала-могай пушкыдо аромат шижалтеш. [/i]А. Асылбаев.[/i] При чтении стихотворений Чавайна каждый раз ощущается какой-то тонкий аромат.

9. прил. перен. мягкий, мягкосердечный, кроткий, уступчивый, податливый, снисходительный; слабохарактерный

Пушкыдо айдеме мягкий человек;

пушкыдо койыш-шоктыш кроткий нрав;

пушкыдо шӱман мягкосердечный.

Ӱдырамаш чон – пушкыдо чон. [/i]Калыкмут.[/i] Женская душа – мягкая душа.

– Чоткыдо лияш кӱлеш, кугу ола пушкыдо еҥым ок йӧрате. [/i]Н. Лекайн.[/i] – Надо быть стойким, большой город не жалует мягких людей.

10. сущ. что-л. мягкое, мягкость, рыхлость

Эн пушкыдыжым ойырен налаш выбрать самое мягкое.

Лум пушкыдылан лийын, йолыш ечым чийыме гынат, пӧш да пӧш веле вола. [/i]А. Юзыкайн.[/i] Из-за рыхлости снега ноги проваливаются, хотя надели лыжи.

(Семон) тыгай пушкыдыш ныл ийыште первый гана возынат, ала-молан омыжат уке. [/i]Ю. Артамонов.[/i] За четыре года Семон впервые лёг на такое мягкое, и он почему-то не может уснуть.

11. нар. мягко

– Малаш пушкыдо, тӧшакетат огеш кӱл, – мане шкенжым воштылал. [/i]Я. Ялкайн.[/i] – Спать мягко, и перины не надо, – сказал он, посмеявшись над собой.

Айдемын кумылжо кӱ деч пеҥгыде, мамык дечат пушкыдо лийын кертеш. [/i]Калыкмут.[/i] Характер человека может быть твёрже камня, мягче пуха.

Идиоматические выражения:

– кийыме верет пушкыдо лийже

– пушкыдо вӱд

– пушкыдо ношмо

– пушкыдо согласный йӱк